Adbokasiya gamit ang Teknolohiya: Ang Tunay na Pagbabago
June 23, 2021

Halikat iyong pagmasdan
Buksan ang mga mata’t hagilapin ang katotohanan
Hindi mo ba napapansin?
Malaki na’ng naging pagbabago sa buhay ng tao

Ang dating pantasya, ngayon ay pinagsasaluhan
Oo, ang teknolohiya na nagbigay daan sa pagbabago
Ang dating liham ay napalitan ng messenger
Nagsilabasan ang facebook, twitter, tiktok at kung ano ano pa

Komunikasyon ay umunlad Impormasyon ay lumalapad
Hindi ba’t nakatutuwa
Subalit narito ka di lamang para makisalo
May bahagi ka, may bahagi ako, may bahagi tayo na dapat gampanan

Ang nagsusulputang plataporma’y gawin nating adbokasiya
Gamitin ang teknolohiya sa pagpapalaganap ng solusyon sa lipunan
Wag idagdag sa listahan ng problema ang makabagong mundo
Narito tayo upang hubugin ang mundo na binago na ng teknolohiya

Ang nakalipas ay nakalipas hindj natin hawak ang nagdaan
Subalit nasa kamay natin ang kasalukuyan
Mamulat ka kababayan sumabay sa nagbabagong agos ng mundo
Balutin natin ang mundo ng adbokasiya sa panahon ng teknolohiya

Share This